Rəylər

"Artıq uzun illərdir ki, payız aylarında keçirilən Səhiyyə sərgisi səhiyyə sisteminin inkişafına öz töhfəsini verir. Hazırda sərgi öz brendini dəyişsə də, səhiyyə sahəsində müasir innovasiyalar platforması və naviqator rolunu qoruyub saxlayıb. Düşünürəm ki, sərgi yerli və xarici mütəxəssislər arasında fikir mübadiləsi aparmaq üçün gözəl platformadır".

Elsevər Ağayev,
Azərbaycan Respublikası səhiyyə nazirinin müavini

 

"Sərgidə bizim avadanlıqların istifadəçiləri ən müsbət rəylər ilə stendimizə yaxınlaşırlar. Bundan başqa, gələcəkdə bizim aparatları almaq istəyənlər də böyük maraq göstərirlər. Düşünürəm ki, sərgi yaxın gələcəkdə müsbət nəticələr verəcək və gələn ildən Azərbaycanda bizim avadanlıqların sayı artacaqdır".

Lev Kazmin,
“Dornier MedTech” (Almaniya) şirkətinin satış üzrə regional meneceri

 

"Biz müştəri bazasını genişləndirmək və bütün məhsul xətlərini təkcə distribyutorlara deyil, həm də son alıcılara – həkim və pasiyentlərə nümayiş etdirmək məqsədi ilə sərgidə iştirak edirik. Azərbaycanlı istehlakçılar bizim şirkətin bütün ortopedik məhsulları haqqında məlumatlı deyil. Məhz sərgi bütün məhsul çeşidlərini nümayiş etdirməyə imkan verən alətlərdən biridir. Biz “MEDINEX” sərgisinin keçirilməsindən bir neçə gün əvvəl, potensial tərəfdaşlar ilə  görüşlər keçirdik və onları bütün məhsulları təqdim edə biləcəyimiz bu sərgiyə dəvət etdik".

Olena Sokolovska,
“Toros Group” (Ukrayna) şirkətinin direktoru

 

"Bu sərgi sayəsində mən həm yerli, həm də xarici səhiyyənin innovasiyaları haqqında məlumat aldım. Zənnimcə, yerli səhiyyənin inkişafında sərginin rolu son dərəcə böyükdür. Burada həmişə müasir təmayüllər, eləcə də ən son aparat və preparatlar haqqında məlumat almaq olar".

Şəlalə Əzimova,
Mərkəzi hərbi sanatoriyanın həkim-terapevti, Bakı

 

"Zənnimizcə, ixtisaslaşmış sərgi maraqlanan şəxslərə klinika haqqında məlumat verməyə imkan yaradır. Həmçinin bura digər səhiyyə müəssisələri ilə yeni əməkdaşlıq əlaqələrinin qurulduğu məkandır".

Quzey İ.A. 
2 saylı Şəhər Klinik Doğum Evində Operativ Ginekologiya şöbəsinin müdiri (Belarus Respublikası)

TƏRƏFDAŞLAR